sábado, 3 de marzo de 2018

O TEMPO EN BUEU

Ao longo desta semana a borrasca deixouse sentir con moita forza no noso pobo. Recollemos esta imaxe que reflicte as grandes ondas que bateron na zona de Pescadoira.


martes, 30 de xaneiro de 2018

AS FASES DA LÚA

Á volta das vacacións de Nadal chegou a METEOCAIXA as clases de 1º de Primaria. Durante varias semanas o alumnado coas súas mestras estiveron recollendo o nivel de precipitacións, as temperaturas máximas e mínimas, etc.


Tamén aprenderon moitas cousas sobre a LÚA, a mestra levou unha caixa para observar AS FASES DA LÚA. Foi moi divertido e interesante.





domingo, 21 de xaneiro de 2018

PROXECTO METEREOLÓXICO 4º PRIMARIA

Seguindo coa dinámica da aprendizaxe por proxectos, o alumnado de cuarto realizamos o pasado trimestre un bonito traballo de investigación sobre METEOROLOXÍA.
Todo xurdíu tras a visita que o alumnado de quinto  nos fixo para entregarnos a caixa das meteoescolas:

Dende ese momneto comezamos a traballar. Cada día iamos visitar a caseta meteorolóxica:


Cos datos recollidos fomos elaborando o climograma de Bueu do mes de novembro.


Queriamos saber máis. Volvemos  repartirnos en equipos e cada un realizou a súa parte:
    Tempo atmosférico e elementos que o determinan.
    Predición de tempo atmosférico e aparatos que se utilizan.
    Clima. Factores que o determinan e tipos.
    Cambio climático. Causas e consecuencias.
    Fenómenos atmosféricos adversos.
    Fenómenos atmosféricos misteriosos.
Comezamos a buscar información nos libros da biblioteca escolar ou nos traiamos da casa. Internet tamén foi de gran axuda así que as visitas á aula de informática foron asiduas.
Aprendemos un montón e tivemos que compartir todos os nosos coñecementos cos nosos compañeiros.
    Tempo atmosférico e elementos que o determinan.






2-Predición de tempo atmosférico e aparatos que se utilizan.






3- Clima. Factores que o determinan e tipos.



4- Cambio climático. Causas e consecuencias




5- Fenómenos atmosféricos adversos.
 





6- Fenómenos atmosféricos misteriosos:






Aplicamos o aprendido para facer ,de xeito, conxunto un comentario sbre o climograma de Bueu. Este foi o resultado das nosas conclusións.

Asemade, cada equipo investigou o tempo atmosférico dunha cidade, facendo tamén un comentario final.

    Clima de Vigo
    Clima de Santa Cruz de Tenerife
    Clima de Valladolid
    clima de Walvis Bay
    Clima de Seattle
    Clima de Kiev







luns, 26 de xuño de 2017

CHUVIA, CHOIVA, CHUVA

O alumnado de 1º foi quen de aprender as 100 maneiras de chamar á CHUVIA en Galicia e o demostraron gravando este video.

RICHARD LA CIGUEÑA

Como remate de curso os nenos e nenas de 2º gozaron da película “Richard, la cigüeña” que axuda a comprender a migración de certas aves afectadas pola climatoloxía. Nesta caso, as cegoñas tiñan que migrar a Marrocos mentres que o outro protagonista, o gorrión, non necesitaba realizar dita viaxe. Co visionado desta película aproveitouse a temática para falar da adaptación dalgúns seres vivos ao medio natural e a necesidade de emigrar por parte de outros para poder sobrevivir.


xoves, 22 de xuño de 2017

DATE AND WEATHER

O alumnado do CEIP Plurilingúe A Pedra, traballa dentro das rutinas diarias da clase de inglés a data e o tempo que vai cada día. Nestes videos pódese observar cal é o procedemento:

martes, 20 de xuño de 2017

PROXECTO INTERDISCIPLINAR METEOESCOLAS

Neste curso o alumnado de 6º de primaria do CEIP plurilingüe A Pedra de Bueu, dentro do programa Meteoescolas e a modo de proxecto de fin de etapa levou a cabo un traballo interdisciplinario onde interviñeron as áreas de Lingua Galega, Ciencias Sociais, Ciencias Naturais e Matemáticas.



Utilizaron como instrumento de aprendizaxe significativo o traballo cooperativo, distribuíndose o alumnado en equipos de 3 ou 4 compoñentes.



Deste xeito traballaron os  estándares de aprendizaxe  que tiñan relación con:
O tempo atmosférico, instrumentos que serven para observalo, a garita meteorolóxica, a Lúa, factores que modifican o clima, os climas de España,  os fenómenos meteorolóxicos, a formación das nubes, acción do home no medio natural, necesidade de coidar o medio natural, os espazos protexidos.


Ademais, organizaron en  táboas as precipitacións mensuais recollidas cos datos observados polo alumnado na garita meteorolóxica do colexio nos 5 primeiros meses deste ano  e tamén calcularon as medias mensuais das temperaturas máximas e mínimas. Con toda esta información elaboraron e interpretaron un climograma comparándoo cos datos meteorolóxicos históricos de Bueu.


Tendo en conta que en expresión escrita estudaran a análise  e redacción de textos xornalísticos, presentaron a modo de reportaxe a información  recollida que acompañaron con imaxes.
Todos os traballos colocáronos no taboleiro de cadansúa clase para posteriormente podelos gravar e traballar así os estándares de aprendizaxe de expresión oral.

Todas e todos puxeron o mellor de seu e aínda que á hora de gravar houbo quen se puxo nervioso e  se equivocou, confiamos en que saberedes desculparnos.

E velaí vai o resultado de tanto traballo. Que o desfrutedes!